ശാന്തിസമാധാന ദൂതുമായെത്തുന്ന
വെള്ളരിപ്രാവുകളെ ,ഓമല്‍ കിടാവുകളെ
എങ്ങുപോയീ നിങ്ങളെങ്ങുപോയീ,
ഈ ധരണിയെ വേര്‍പിരിഞ്ഞെങ്ങുപോയീ
കുഞ്ഞിളം ചുണ്ടുകരിഞ്ഞും ,തൂവല്‍ കൊഴിഞ്ഞും
ചിറകൊടിഞ്ഞെങ്ങോ നീ ,വീണുപോയോ
ഭൂമിയെ ച്ചുട്ടെരിക്കാനെത്തും മര്‍ത്ത്യന്റെ
ദുര്‍മുഖം കണ്ടു നീ ഭയന്നുപോയോ
എങ്ങോ പറന്നു പോയോ
ചേക്കേറുവാനീ ഭൂമിയില്ലെങ്കില്‍
ചേതനയറ്റവരാകില്ലേ നമ്മള്‍
പരസ്പ്പരം സ്നേഹിക്കാന്‍ കഴിഞ്ഞില്ലയെങ്കില്‍
മര്‍ത്ത്യനെന്ന പദത്തിന്നര്‍ഥമുണ്ടോ? ,
നേട്ടങ്ങളത്രയും വ്യര്‍ത്തമല്ലേ ?
(വര്‍ഷങ്ങള്‍ക്കു മുന്‍പ് ഒരു കൊച്ചുകുട്ടിക്ക് മത്സരത്തിനു പാടാനായി എഴുതിയ വരികള്‍ ,വായിക്കുക ,നിറഞ്ഞ മനസ്സോടെ )
0 comments:
Post a Comment